Atrakcyjon nie pa ŭzroście. U Hrodnie ratavalniki vyciahvali dziaŭčynku z vuličnaha trenažora
Naha 9-hadovaj dziaŭčynki zachrasła ŭ mietaličnaj kanstrukcyi, jakaja nie pryznačana dla vykarystańnia dziećmi.
15.09.2024 / 17:17
Skrynšot videa MNS Biełarusi
Incydent adbyŭsia ŭčora na dziciačaj placoŭcy pa vulicy Urubleŭskaha.
Vidavočcy adrazu vyklikali ratavalnikaŭ. Supracoŭniki MNS chutka supakoili dzicia i vyzvalili nahu z dapamohaj śpiecyjalnaha instrumienta. Paśla ahladu miedykaŭ dziaŭčynku dastavili ŭ balnicu dla abśledavańnia, adnak surjoznych traŭm nie znajšli, i nieŭzabavie jana była adpuščana dadomu.
U Biełarusi vuličnyja trenažory vielmi časta biez razumieńnia raźmiaščajuć pobač ź dziciačymi placoŭkami. Heta pryvodzić da taho, što darosłyja ludzi nie mohuć skarystacca imi pa pryznačeńni, bo jany ŭvieś čas zaniaty dziećmi, jakija ŭsprymajuć ich jak čarhovy atrakcyjon. Adnak lubyja trenažory majuć abmiežavańni pa nižnim uzroście, a tamu źjaŭlajucca niebiaśpiečnymi dla dziaciej.
U Hrodnie palec vaśmihadovaj dziaŭčynki zacisnuła ŭ spartyŭny trenažor