Łoś źjaviŭsia prosta ź niadkul. Biełarus pakazaŭ žudasnaje videa sutyknieńnia svajho aŭto z žyviołaj
Mužčyna cudam vyžyŭ dziakujučy rezkamu manieŭru ŭ apošni momant.
15.09.2024 / 19:39
Biełarus na Škoda sutyknuŭsia z łasiom na darozie z Fanipala ŭ Minsk ranicaj 9 vieraśnia.
Łoś vyskačyŭ na darohu zusim raptoŭna. Mužčyna razumieŭ, što sutyknieńnie niepaźbiežnaje, i ŭ apošni momant paśpieŭ rezka vyviarnuć rul naprava i lehčy na skrynku pieradač, piša Onliner.
Vadziciel ličyć, što taki manieŭr vyratavaŭ jamu žyćcio. Łoś ža zahinuŭ na miescy.
«Ja ŭ poŭnym paradku, dziakuj mocnaj mašynie. Padčas udaru ja ŭ apošni momant vilnuŭ naprava i loh na karobku. Raźbiŭ krychu hałavu. Inśpiektary i staršynia Ščomyślinskaha sielsavieta raspaviali, što heta ŭžo čaćviorty vypadak za niapoŭny miesiac na hetym učastku darohi», — raspavioŭ vadziciel.
Fota: Onliner
Mašyna surjozna paciarpieła — tresnuła łabavoje škło, dach i kapot akazalisia ŭvahnutyja, ale sam vadziciel abyšoŭsia niaznačnymi traŭmami.
Biełarusaŭ paprasili nie sihnalić, kali pabačyš łasia na darozie
U Haradockim rajonie matacyklist sutyknuŭsia z łasiom i zahinuŭ
U Žytkavickim rajonie žančyna ź dziciem trapili ŭ reanimacyju paśla sustrečy z łasiom