Nazvanyja pieramožcy konkursu astranamičnaj fatahrafii FOTA
Hrynvickaja karaleŭskaja absiervatoryja adabrała 11 najlepšych zdymkaŭ kosmasu. Usie jany vyhladajuć niejmavierna fantastyčna.
15.09.2024 / 20:32
Šort-list konkursu Astronomy Photographer of the Year 2024 byŭ častkova apublikavany ŭ lipieni.
Sioleta spabornictva pravodziłasia 16-y raz, a pryziory i pieramožcy vyznačalisia adrazu ŭ dzieviaci asnoŭnych i dźviuch dadatkovych naminacyjach.
Skažonyja cieni pavierchni Miesiaca, stvoranyja kalcavym zaćmieńniem. Rajan Impierya
Składzieny z bolš jak 30 zdymkaŭ kadr Rajana Impierya z ZŠA, na jakim adlustravana poŭnaje soniečnaje zaćmieńnie, jakoje adbyłosia 14 kastryčnika 2023 hoda, byŭ pryznany najlepšym u katehoryi «Sonca» i staŭ absalutnym pieramožcam spabornictva.
Fatohrafu ŭdałosia dziŭnym čynam zafiksavać aptyčnuju źjavu pad nazvaj «pacierki Bejli», pry jakoj u momant poŭnaha zaćmieńnia soniečnyja pramiani stvarajuć plamy śviatła pa krajach miesiacovaha dyska z-za niaroŭnaj pavierchni naturalnaha spadarožnika Ziamli.
Pieramožca ŭ katehoryi «Niabiesnyja piejzažy» —Tasmanijskija pierły. Tom Rej
Pieramožca ŭ katehoryi «Hałaktyki» — Recha minułaha. Bens Tot i Pieter Fiełtoci
Pieramožca ŭ katehoryi «Miesiac» — Cieniavyja piki zaliva Viasiołki. Habar Bałaš
Pieramožca ŭ katehoryi «Aŭrora» - Kvinstaŭnskaja aŭrora. Łaryn Rej
Pieramožca ŭ katehoryi «Płaniety, kamiety i asteroidy» — Na padychodzie da Vieniery. Tom Uiljams
Pieramožca ŭ katehoryi «Ludzi i kosmas» — Vysokatechnałahičny siłuet. Tom Uiljams
SNR G107.5-5.2, Niečakanaje adkryćcio (tumannaść Niereidy ŭ suzorji Kasijapiei). Marsel Drekśler, Brej Fołs, Jan Sejnci, Nikałas Marcina i Ryčard Hali
Premija sera Patryka Mura dla najlepšaha pačatkoŭca — SH2-308: tumannaść Hałava delfina. Siń Fen i Miaa Hun
Premija Eni Maŭnder za vobraznyja inavacyi — Anatomija prydatnaj dla žyćcia płaniety. Sierchia Dyjas Ruis
Spabornictva maładych — NGC 1499, Pylnaja Kalifornija. Daniele Borsary