U Prazie znajšli nieviadomyja raniej frahmienty Biblii Skaryny
Krajaznaviec i daśledčyk ź Biarozy Siarhiej Knyrevič, jaki praciahły čas žyvie ŭ Čechii, padzialiŭsia archiŭnaj znachodkaj u supołcy «Francysk Skaryna i 500-hodździe biełaruskaha knihadrukavańnia», piša Bellit.info.
16.09.2024 / 14:04
«Siońnia ŭ Prazie ŭdałosia znajści 14 dvucharkušavych (4-staronkavych) frahmientaŭ pražskaj knihi Byćcia (Francyska Skaryny — Bellit.info). Havorka idzie pra 5-y sšytak (arkušy LE, ŁS, ŁZ, LI), to bok heta poŭny drukavany arkuš. Paŭsšytak składajecca z dvuch niesfalcavanych dvucharkušaŭ (LE-LEadv-LI-LIadv i ŁS-ŁSadv-ŁZadv-ŁZ). Abodva dvucharkušy ŭ siami ekzemplarach. Arkušy znojdzienyja ŭ vokładcy nieviadomaj knihi», — piša daśledčyk i dadaje, što hetyja frahmienty nie byli dahetul apisanyja ŭ skarynaznaŭčaj litaratury.
Ciapier Siarhiej Knyrevič płanuje zaniacca pošukam knihi, u jakoj znajšli hetyja frahmienty, a taksama ŭładalnika hetaj knihi ci majstra, jaki rabiŭ vokładku dla jaje.