HUR Ukrainy atakavała rasijskuju bazu bieśpiłotnikaŭ u Siryi
17.09.2024 / 8:39
HUR Ukrainy atakavała rasijskuju bazu bieśpiłotnikaŭ u Siryi, niedaloka ad Alepa. Heta adbyłosia 15 vieraśnia.
Baza vykarystoŭvałasia rasijskimi vojskami dla vyrabu i vyprabavańniaŭ udarnych BPŁA, a taksama dla vytvorčaści vybuchovych pryład. Na apublikavanym videa bačny ściažok ź simvolikaj HUR.
Jak śćviardžajecca, rakieta vykarystoŭvałasia dla detanacyi vybuchoŭki, zakładzienaj na abjekcie. Aficyjna heta nie paćviardžałasia.
U dzień hetaj ataki siryjskaja praŭładnaja hazieta Al-Watan vypuściła artykuł, dzie śćviardžajecca, što HUR kantaktuje z radykalnaj hrupoŭkaj «Nusra» ŭ Siryi i «raspracoŭvaje płany sakretnych napadaŭ na vojski Rasii ŭ Siryi» pry padtrymcy antyasadaŭskaj apazicyi.