Расійскія вайскоўцы засеклі мячом украінскага палоннага і знялі на відэа
У ахвяры былі звязаныя рукі, а на мячы надпіс «За Курск».
17.09.2024 / 11:11
Фрагмент здымку
Здымак акрываўленага цела мужчыны ў форме ўкраінскіх узброеных сілаў з уваткнутым мячом разляцеўся ў сацыяльных сетках.
Як пазней высветлілася, варварскае забойства адбылося ў Навагродаўцы ў Пакроўскім раёне Данецкай вобласці. На мячы відаць надпіс «За Курск». Рукі ахвяры былі заматаныя скотчам.
Упаўнаважаны па правах чалавека Украіны Дзмітрый Лубінец падкрэсліў, што такія дзеянні з'яўляюцца грубым парушэннем Жэнеўскай канвенцыі аб абыходжанні з ваеннапалоннымі.
Амбудсмен запэўніў, што накіраваў лісты ў Міжнародны камітэт Чырвонага крыжа і ААН, каб яны зафіксавалі чарговае парушэнне правоў чалавека з боку Расіі.
Лубінец заўважыў, што такія паказальныя пакаранні смерцю накіраваныя на дэмаралізацыю ўкраінскага грамадства. «Аднак, бачачы такія дзеянні, мы павінны станавіцца яшчэ больш рашучымі ў барацьбе супраць агрэсара», — дадаў абмудсмен.
У сеціве з'явілася жахлівае фота ўкраінскага вайскоўца, меркавана закатаванага расіянамі
Генпракуратура Украіны паведаміла пра абезгалоўліванне ўкраінскіх палонных расійскімі вайскоўцамі