Не толькі Ліван: тэлефон выбухнуў у руках у мужчыны ў цэнтры Масквы
Выбух адбыўся, калі выбухалі сродкі сувязі па ўсім Ліване. Мужчына не стаў чакаць хуткую і збег.
19.09.2024 / 13:26
Фота: Mash
У руках у масквіча на Арбаце 18 верасня выбухнуў тэлефон.
Гэта адбылося ў той жа час, калі па ўсім Ліване выбухалі пэйджары, рацыі, тэлефоны і іншыя сродкі сувязі. Mash піша, што ў масквіча выбухнуў смартфон Honor 70.
Мужчына атрымаў раненні рукі. Аднак чакаць хуткай ён не стаў і ўцёк у невядомым кірунку. Сілавікі цяпер шукаюць пацярпелага, а тэлефон аддалі на экспертызу: будуць правяраць, ці не быў ён з той жа партыі тэхнікі, якая выбухала на Блізкім Усходзе.
Аднак папярэдняя версія іншая: у тэлефона мог проста перагрэцца акумулятар.