Hiermanija pieraadoleła niedachop rasijskaha hazu
Ministr ekanomiki zajaviŭ ab zakančeńni enierhietyčnaha kryzisu ŭ FRH.
19.09.2024 / 13:47
Fota: Minenergo_by / Telegram
Hiermanija pieraadoleła niedachop rasijskaha hazu. Z takimi słovami vice-kancler, ministr ekanomiki i enierhietyki Robiert Chabiek vystupiŭ na sustrečy z hramadzianami ŭ horadzie Asnabruk, piša Bild.
«Niedachopu rasiejskaha hazu bolš niama. <..> Deficytu hazu bolš niama», — skazaŭ jon. Pavodle jaho słoŭ, niamieckija pryrodnyja schoviščy hazu (PSH) zahadzia zapoŭnienyja, usie płanavyja pakazčyki vykanany. Ministr zajaviŭ ab zakančeńni enierhietyčnaha kryzisu ŭ FRH.
Chabiek pryznaŭ, što ceny na haz u Hiermanii ciapier vyšejšyja, čym da vajny. Ale, pavodle jaho słoŭ, heta nie źviazana z adsutnaściu pastavak z Rasii.
«Ceny vyšejšyja, heta tyčycca i hazu, ale nie tamu, što ŭ nas jaho deficyt», — skazaŭ jon. Sapraŭdnaja pryčyna — śpiakota ŭ krainach Azii, jakija zakuplajuć zvadkavany pryrodny haz, kab hienieravać elektryčnaść dla kandycyjanieraŭ.
Vice-kancler FRH upeŭnieny, što ceny na haz znoŭ upaduć, kali dadatkovyja abjomy ZPH vyzvalacca i pastupiać na niamiecki rynak. U cełym ceny na haz u Hiermanii buduć tolki» ŭmierana vyšej, čym u hady da pandemii», paabiacaŭ jon.