«Try miesiacy charčavaŭsia žabami». Na Chiersonščynie USU ŭziali ŭ pałon rasijskaha marpiecha z dapamohaj drona «Baba Jaha»
Uzbrojenyja siły Ukrainy ŭziali na Chiersonščynie ŭ pałon sałdata marskoj piachoty rasijskaj armii z dapamohaj ciažkaha drona madeli «Baba Jaha», paviedamiŭ 20 vieraśnia ŭ telehramie ŭkrainski žurnalist Juryj Butusaŭ.
20.09.2024 / 17:52
Skrynšot ź videa ButusovPlus
Jak paviedamlaje žurnalist, pałonny słužyŭ u 61-j asobnaj bryhadzie marskoj piachoty rasijskaj armii. Aficery adpravili jaho na adzin z astravoŭ u Chiersonskaj vobłaści z suchpajkom, raźličanym na 21 dzień, i, pa sutnaści, kinuli na volu losu.
«Alimaŭ pravioŭ tam cełyja try miesiacy, charčavaŭsia žabami, kareńniem čarotu i piŭ vadu z Dniapra. Ale nie zdavaŭsia i vieryŭ, što jaho zabiaruć. Viera źnikła, kali jaho paraniła ŭ nahu, a abiacankami pra evakuacyju karmili jašče dva miesiacy. Kali naha stała zusim kiepskaj, jon vyjšaŭ i zdaŭsia ŭkrainskamu dronu», — napisaŭ Butusaŭ.
Pry hetym 22-hadovy Andrej Alimaŭ pra svoj namier zdacca ŭ pałon paviedamiŭ apierataru BPŁA z dapamohaj płakata z nadpisam «Možna što-niebudź pajeści? Sił niama».
Rasijskija vajskoŭcy zasiekli miačom ukrainskaha pałonnaha i źniali na videa
Ukrainskim pałonnym siońnia pierad abmienam uručyli pakiety z łukašenkaŭskaj simvolikaj
Amierykanskija žurnalisty pabyvali va ŭkrainskaj turmie, nabitaj maładymi rasijskimi pryzyŭnikami