Pad Baranavičami z-za łasia pierakuliŭsia «Falksvahien»
Siońnia ranicaj u Baranavickim rajonie adbyłosia DTZ z-za łasia, jaki vybieh na darohu. U vyniku incydentu try čałavieki byli dastaŭlenyja ŭ balnicu. Pra heta paviedamlaje pres-słužba UDAI UUS Bresckaha abłvykankama.
20.09.2024 / 18:06
Zhodna ź infarmacyjaj kanała, kala 07:00 ranicy 27-hadovy kiroŭca aŭtamabila Volkswagen ruchaŭsia pa aŭtadarozie R-99 «Baranavičy — Vaŭkavysk — Pahraničny — Hrodna».
Pa papiarednich źviestkach, na 32-m kiłamietry darohi kiroŭca sprabavaŭ paźbiehnuć sutyknieńnia z łasiom, jaki raptam vybieh na trasu, źmianiŭ kirunak ruchu i nie spraviŭsia z kiravańniem. Heta pryviało da taho, što aŭtamabil źjechaŭ u kiuviet i pierakuliŭsia.
U vyniku avaryi kiroŭca i dva pasažyry (33-hadovaja žančyna i 10-hadovaja dziaŭčynka) byli dastaŭleny ŭ miedycynskuju ŭstanovu dla praviadzieńnia abśledavańnia i acenki stanu zdaroŭja.
Čarhovaje śmiarotnaje DTZ z łasiom
U DTZ z łasiom pad Viciebskam zahinuŭ 12-hadovy chłopčyk
U Baranavičach žančyna trapiła pad mašynu i zahinuła