Na leciščy pad Hrodnam mocna abhareła dzicia
Dziciačaja hulnia z ahniom stała pryčynaj traŭmavańnia 12-hadovaha chłopčyka ŭ Hrodzienskim rajonie, paviedamili ŭ Hrodzienskim abłasnym upraŭleńni MNS.
21.09.2024 / 16:49
19 vieraśnia ŭ 13:40 dziažurny doktar Hrodzienskaj abłasnoj dziciačaj kliničnaj balnicy paviedamiŭ ratavalnikam, što ŭ miedycynskuju ŭstanovu byŭ špitalizavany 12-hadovy chłopčyk z termičnymi apiokami.
Jak vyśvietliłasia paźniej, hrodzieniec razam z dvuma synami, 12 i 10 hadoŭ, pracavaŭ na dačnym učastku. Chłopčyki znajšli ŭ haražy butelku z rastvaralnikam, adkryli jomistaść i padpalili jaje.
Adbyłasia ŭspyška paroŭ rastvaralnika, i 12-hadovy školnik atrymaŭ termičnyja apioki. Druhi chłopčyk nie paciarpieŭ.
Baćka pačuŭ kryki dziaciej i nieadkładna vyklikaŭ bryhadu chutkaj miedycynskaj dapamohi. Miedyki špitalizavali traŭmavanaje dzicia ŭ balnicu. Stan aceńvajecca jak ciažki.
Pad Minskam zaharełasia pradpryjemstva
U Babrujsku piensijanier atrymaŭ 70% apiokaŭ cieła va ŭłasnaj paścieli
Pad Mazyrom palili liście, a zhareła adrazu piać damoŭ