Расіяне трапілі КАБамі ў шматпавярховік у Харкаве
У суботу ўвечары расіяне нанеслі ўдары кіраванымі авіябомбамі па Харкаве, ёсць траплянне ў жылую шматпавярхоўку: пацярпеў сама меней 21 чалавек, сярод іх трое дзяцей.
22.09.2024 / 08:03
Войскі РФ вечарам 21 верасня ўдарылі па Харкаве двума КАБамі, адно з траплянняў — у жылы шматпавярховы дом у Шаўчэнкаўскім раёне, паведаміў кіраўнік АВА Алег Сінегубаў.
У бліжэйшых дамах выбіла шыбы, згарэлі машыны.
Колькасць пацярпелых па стане на 2 гадзіны ночы — 21 чалавек, іх узрост — ад 8 да 84 гадоў. Два чалавекі ў цяжкім стане.