Čarhovaje vyprabavańnie jadziernaj mižkantynientalnaj rakiety «Sarmat» skončyłasia pravałam
Jadziernaja mižkantynientalnaja balistyčnaja rakieta «Sarmat» vybuchnuła prosta ŭ šachcie padčas vyprabavańniaŭ.
22.09.2024 / 10:43
Vyprabavańnie RS-28 «Sarmat» skončyłasia poŭnym pravałam, piša OSINT-daśledčyk MeNMyRC. Jano prajšło aryjencirovačna 20 abo 21 vieraśnia — dakładnaja data nieviadomaja. Rakieta vybuchnuła prosta ŭ šachcie kala Plasieckaha kasmadroma.
«Sarmat» — rakieta na vadkim palivie, tamu hetaja avaryja mahła adbycca asobna ad faktyčnaha zapusku, udakładniaje MeNMyRC.
Rakieta źniščyła palihon, pakinuŭšy vielizarnuju varonku.
Jak paviedamlajuć OSINT-analityki, heta čaćviortaje pravalnaje vyprabavańnie «Sarmata». Apošniaje paśpiachovaje vyprabavańnie rakiety prajšło 20 krasavika 2022 hoda.