Na MKAD źjaviłasia ekśpierymientalnaja raźmietka. Što jana značyć
Na Minskaj kalcavoj aŭtadarozie źjaviłasia ekśpierymientalnaja raźmietka, jakaja dapamoža vadzicielam aceńvać dystancyju da aŭtamabila, što ruchajecca napieradzie.
22.09.2024 / 15:17
U rajonie praśpiekta Niezaležnaści ŭ treciaj pałasie ruchu ŭnutranaha i źniešniaha kalca viaducca raboty pa naniasieńni strełak, kab dapamahčy kiroŭcam lepš aryjentavacca ŭ darožnaj abstanoŭcy. Razam z raźmietkaj buduć ustanoŭleny i adpaviednyja infarmacyjnyja ščyty, paviedamlaje DAI.
U pryvatnaści, dźvie strały da mašyny, što idzie napieradzie, padkažuć, što dystancyja biaśpiečnaja.
Adlehłaść pamiž strełkami raźličana z ulikam biaśpiečnaj dystancyi pry dazvolenaj chutkaści ruchu, jakaja dapamoža ŭ vypadku ŭźniknieńnia niaštatnych situacyj i ekstrannaha tarmažeńnia paźbiehnuć sutyknieńnia.
Ekśpierymient budzie doŭžycca niekalki miesiacaŭ. Kali ekśpierymientalnaja raźmietka pakaža svaju efiektyŭnaść, to jana budzie nanosicca i na inšych učastkach.