Якія краіны найбольш інвестуюць у беларускую эканоміку?
Амаль траціна прамых замежных інвестыцый — з Расіі.
22.09.2024 / 16:40
Нацыянальны банк апублікаваў абноўленую статыстыку аб прамых замежных інвестыцыях у эканоміку Беларусі.
10 галоўных інвестараў па стане на пачатак 2024 года выглядаюць так:
- Расія ($4,5 млрд);
- Кіпр ($3,2 млрд);
- Аўстрыя ($902,7 млн);
- ААЭ ($863,6 млн);
- Турцыя ($581,1 млн);
- Кітай ($452,2 млн);
- Германія ($472,2 млн);
- Нідэрланды ($258,8 млн);
- Вялікабрытанія ($243,7 млн);
- Іран ($213,6 млн).
Сума прамых замежных інвестыцый на пачатак года склала 15,6 млрд даляраў. 13,5 млрд даляраў з іх — удзел у капітале беларускіх кампаній. Астатняе — даўгавыя інструменты.