Jarmošyna: Ja b Cichanoŭskuju navat śpiecyjalistam u CVK nie ŭziała
Eks-staršynia Centrvybarkama Lidzija Jarmošyna padčas prapahandysckaha mierapryjemstva ŭ HC «Stalica», dzie raskazvali pra vybary, zhadała Śviatłanu Cichanoŭskuju, zaŭvažyŭ «Pozirk».
22.09.2024 / 17:30
Jarmošyna vystupaje ŭ HC «Stalica». Fota: sb.by
Nie zhadvajučy Cichanoŭskuju pa imieni, Jarmošyna vykazałasia: «Ja mahu adrazu ž skazać i pieraścierahčy: nie treba iści za łžyvymi hierojami, za tymi… Voś razumiejecie, tut pryvodzili prykład kandydatki ŭ prezidenty 2020 hoda. Słuchajcie, ja bačyła ludziej, jakija rydali, ślozy hublali nakont chatniaj haspadyni, prymityŭnaj žančyny, jakaja, nu, źjaŭlajecca zusim niepadrychtavanaj».
«Ja b jaje navat u Centralnuju kamisiju na ŭzroŭni śpiecyjalista nie ŭziała, tamu što heta čałaviek absalutna nie hatovy», — skazała Jarmošyna.
«Kali jana vystupała pa telebačańni, my potym u Centralnaj kamisii śmiajalisia. I niaŭžo na heta klavali? Bo jaje pramova — heta było sučasnaje pierakazvańnie knižki dziciačaj Nosava, jakaja nazyvajecca «Niaznajka ŭ Soniečnym horadzie». Voś hetaki Soniečny horad jana malavała vybarščykam, i na heta kuplalisia», — dadała eks-kiraŭnica CVK.