Zialenski ŭ ZŠA naviedaŭ zavod pa vytvorčaści snaradaŭ dla Ukrainy
Jon anansavaŭ, što zavod budzie pavialičvać vytvorčaść bojeprypasaŭ, paviedamlaje UNIAN.
23.09.2024 / 08:05
ZelenskyyUa
Prezident Ukrainy Uładzimir Zialenski ciapier znachodzicca ź vizitam u ZŠA. Jon pabyvaŭ na zavodzie ŭ Piensilvanii, dzie vyrablajuć artyleryjskija snarady dla Sił abarony Ukrainy.
«Skrentan, Piensilvanija. Zavod, jaki vyrablaje artyleryjskija snarady. 155-y kalibr. Ciapier — dla našych voinaŭ, jakija abaraniajuć nie tolki našu dziaržavu, nie tolki Ukrainu», — napisaŭ Zialenski ŭ sacsietkach
Jon taksama anansavaŭ, što zavod budzie pavialičvać vytvorčaść bojeprypasaŭ dla Ukrainy i vykazaŭ padziaku ŭsim rabotnikam zavoda.
Zialenski dadaŭ, što padčas sustrečy byli dasiahnutyja damoŭlenaści ab pašyreńni supracoŭnictva pamiž Piensilvanijaj i Zaparožžam.