Minčanka pakłała na svoj rachunak čužyja 120 rubloŭ, a štraf akazaŭsia ŭ 10 razoŭ bolšym
Vinu jana całkam pryznała, u zroblenym raskajałasia.
23.09.2024 / 15:47
27-hadovaja biełaruska znachodziłasia niepadalok ad infakijoska na vulicy Kižavatava ŭ Minsku. Pryčym była ŭ niećviarozym stanie.
Da dziaŭčyny padyšoŭ mužčyna i spytaŭ, ci nie jana zabyłasia zaviaršyć apieracyju: chtości chacieŭ pakłaści na rachunak 120 rubloŭ, ale syšoŭ. Žančyna pieraviała hetyja hrošy na bałans svajho mabilnaha, paviedamlajuć Minsk-naviny.
U dačynieńni da minčanki raspačali kryminalnuju spravu. Vinu jana całkam pryznała, u zroblenym raskajałasia.
Tym časam sud pryznaŭ jaje vinavataj u kradziažy majomaści šlacham madyfikacyi kampjutarnaj infarmacyi i na padstavie častki 1 artykuła 212 KK RB pryznačyŭ štraf 30 bazavych adzinak (1200 rubloŭ).