Studentam, jakoha na mohiłkach zabiła drevam, akazaŭsia 17-hadovy salihorski chakieist
Pra śmierć 17-hadovaha vychavanca chakiejnaj škoły «Šachcior» Valeryja Dyčuka paviedamiŭ telehram-kanał «Sport Biełarusi».
23.09.2024 / 16:34
Paviedamlajecca, što jon pajšoŭ z žyćcia 22 vieraśnia ŭ vyniku niaščasnaha vypadku.
Pavodle infarmacyi telehram-kanała, Valeryj Dyčuk — toj samy 17-hadovy student, jaki zahinuŭ ad padzieńnia dreva na mohiłkach pad Minskam. Pra jaho śmierć paviedamlałasia raniej.
Pavodle paviedamleńnia Śledčaha kamiteta, dniom 22 vieraśnia rabočy adnaho z pryvatnych pradpryjemstvaŭ śpiłoŭvaŭ dreva pa častkach na mohiłkach u vioscy Kačyna Minskaha rajona.
Źbirać śpiłavanaje dreva arhanizacyja dała jamu pamočnika — 17-hadovaha studenta minskaha ŭniviersiteta. Padčas pracy častka dreva ŭpała na hałavu chłopca. Ad atrymanych traŭmaŭ jon pamior.
Pad Minskam na mohiłkach zahinuŭ student — na jaho ŭpała dreva
U 18 hadoŭ pamior futbalist Fiodar Pałaniejčyk