U centry Minska za $2 miljony pradajecca zavodski korpus
Na aŭkcyjonie GosTorg źjaviłasia abjava pra prodaž adnaho z zavodskich korpusaŭ u samym centry Minska. Jaho adras — praśpiekt Niezaležnaści, 58A, heta korpus za hałoŭnym uvachodam u miedycynski centr «Łade» i baram Lidbeer. Raniej u budynku, jaki pradajecca, raźmiaščaŭsia bar Moon River ad TAA «Čajna Taun Inviestmient Mieniedžmient Bieł».
23.09.2024 / 17:30
U budynku try pavierchi, ahulnaja płošča — 1 820 kvadratnych mietraŭ. U dadatkovaj infarmacyi adznačana: «asobny ŭvachod, ažyŭlenaja miascovaść, padjaznyja šlachi».
Startavaja cana łota — 7 111 692 rubli, pryčym abaviazkovaj pieršaj staŭki z pavyšeńniem cany na 5%, jak heta časta byvaje ŭ padobnych vypadkach, niama. Ale pieramožca tarhoŭ pavinien budzie apłacić minimalny pamier vydatkaŭ na arhanizacyju i praviadzieńnie elektronnych tarhoŭ — 1 271,81 rub.
Takim čynam, kančatkovaja cana składzie jak minimum 7 112 964 rubli, abo 2 212 292 dalary pa aktualnym kursie Nacbanka.
Tarhi adbuducca 9 kastryčnika.
Z aŭkcyjonu amal za miljon dalaraŭ pradajuć kaliści znakamity zavod
Ź siadziby Pusłoŭskich u Słonimie źnikli skulptury lvoŭ. Što adbyvajecca?
«Moža kaštavać da niekalkich tysiač jeŭra». U Polščy pradajecca Statut VKŁ