«Na žal, Flibusta na hetym, mabyć, skončyłasia». Na sajcie anłajn-biblijateki źjaviłasia abjava, što jaje ŭładalnik pamiraje
Va ŭładalnika anłajn-biblijateki «Flibusta» znajšli rak mozhu. Pra heta źjaviłasia abviestka ad jaho imia na sajcie «knižnaha braterstva».
24.09.2024 / 08:57
Pa słovach karystalnika ź nikam Stiver, jaki źjaŭlajecca ŭładalnikam biblijateki, jon znachodzicca ŭ balnicy «ź nieprystojnych pamieraŭ hlijabłastomaj» — ahresiŭnaj puchlinaj hałaŭnoha mozhu.
«Na žal, Flibusta na hetym, mabyć, skončyłasia, jak i ja sam», — napisaŭ jon.
Stiver dadaŭ, što sierviery sajta apłačanyja na niekalki tydniaŭ.
«Flibusta» — biaspłatnaja niekamiercyjnaja anłajn-biblijateka, jakaja źjaŭlajecca adnym z samych papularnych knižnych sajtaŭ u Runecie.