U Biełaruś znoŭ zalacieŭ šachied. U hety ž čas u niebie byŭ viertalot Łukašenki
Avijacyja na pierachop bieśpiłotnika nie padymałasia, piša «Biełaruski Hajun».
24.09.2024 / 14:00
Ilustracyjnaje fota: Pavietranyja siły Ukrainy
Šachied zalacieŭ u Biełaruś a 09:25 ranicy z Čarnihaŭskaj vobłaści Ukrainy.
Viadoma, što dron pierasiok miažu ŭ rajonie n.p. Lubieč i ruchaŭsia kursam na Brahin. Dalejšy los drona nieviadomy. U momant zachodu šachieda vyletaŭ avijacyi VPS Biełarusi nad paŭdniovym uschodam krainy nie fiksavałasia.
Roŭna ŭ hety ž čas u niebie nad Biełaruśsiu lacieŭ viertalot z Łukašenkam na borcie, jaki nakiroŭvaŭsia z rezidencyi «Aziorny» na 230-y ahulnavajskovy palihon Abuz-Lasnoŭski, dzie pryziamliŭsia kala 10:00. Kali vykazać zdahadku, što šachied praciahnuŭ ruch na paŭnočny zachad, to jon moh by dasiahnuć palihona Abuz-Lasnoŭski ŭžo da 11:00.
Pavodle źviestak «Hajuna», heta ŭžo jak minimum 45-y šachied, jaki zalacieŭ u pavietranuju prastoru Biełarusi pačynajučy z 11 lipienia 2024 hoda, i 24-y tolki za vierasień.