Žycharka Puchavickaha rajona atrymała pozvu ŭ RAUS dla svajho syna. Ale jon pamior bolš za 10 hadoŭ tamu
Žycharka Puchavickaha rajona Minskaj vobłaści atrymała paviestku z RAUS, adrasavanuju jaje synu, jaki pamior bolš za dziesiać hadoŭ tamu. Pra heta jana raspaviała ŭ videa, jakoje apublikavała ŭ tyktoku. Publikacyju zaŭvažyła «Lusterka».
24.09.2024 / 13:44
— U mianie pytańnie da śledčych Puchavickaha RAUS, vy mnie nie skažacie, što vy tam kurycie? Siońnia pryjšła pozva 11 vieraśnia 2024 hoda pa adrasie vioska Novy Uborak, vulica Bezavaja, dom 6. Jermałoviču Jaŭhienu Vasileviču zaŭtra, 12 vieraśnia 2024 hoda, da dziesiaci hadzin źjavicca pa adrasie Marjina Horka, vulica Čyrvonaarmiejskaja, kabiniet 30, da staršaha śledčaha, — raspaviała žančyna.
Jana dadała, što, nakolki jana razumieje, «u RAUS jość usia infarmacyja pra miascovych žycharoŭ, naohuł pra ludziej». U suviazi z hetym u jaje ŭźnikła pytańnie, jakaja moža być pozva čałavieku, jaki ŭ 2013-m hodzie pamior.
— Heta moj syn. Jermałovič Jaŭhien Vasiljevič. Ja jaho pachavała 9 lipienia 2013 hoda. U jakaści jakoha śviedki jon moža prachodzić u vas pa spravie, jakaja zaviedziena 26 lutaha 2024 hoda. Skazać, što ja ŭ šoku — heta naohuł ničoha nie skazać, Ja prosta ŭ a**ie, — vykazała svajo abureńnie aŭtar rolika.