Siłaviki zładzili abłavu ŭ Hłybokim
Videa z zatrymanymi siońnia apublikavaŭ nabližany da siłavikoŭ telehram-kanał.
24.09.2024 / 15:18
Zatrymali jak minimum troch čałaviek. Usie jany nibyta ŭdzielničali ŭ paślavybarčych akcyjach pratestu.
Siarod zatrymanych — administratar staronki «Padsłuchana Hłybokaje», a taksama žančyna, jakaja na sustrečy sa Śviatłanaj Cichanoŭskaj razdavała kvietki. Pra heta stała viadoma ź videa siłavikoŭ.
«Vychodziŭ na akcyi pratestu, chadziŭ pa prajeznaj častcy, zdymaŭ usio, što adbyvałasia na videa», — skazaŭ na kamieru zatrymany mužčyna.
«Adzin raz razdavała kvietki na sustrečy sa Śviatłanaj Cichanoŭskaj. Druhi raz mitynh prachodziŭ na prajezžaj častcy», — raspaviała žančyna.
Pavodle infarmacyi siłavikoŭ, usie zatrymanyja «projduć pa adnoj kryminalnaj spravie».