U Łuninieckim rajonie z budynka kramy źnik ściah. Praz try hady zatrymali chłopca
Chłopiec zdaŭ adbitki palcaŭ u vajenkamacie, a nieŭzabavie im zacikavilisia siłaviki.
24.09.2024 / 15:57
Fota: Dziaržkamitet sudovych ekśpiertyz
Try hady tamu pradaviec kramy ahraharadka Dziatłavičy Łuninieckaha rajona paskardziłasia ŭ milicyju, što ŭnačy chtości sarvaŭ z budynka kramy dziaržaŭny ściah i złamaŭ fłahštok.
Na miesca vyklikali ekśpierta Dziaržkamiteta sudovych ekśpiertyz. Niedaloka ad kramy jon znajšoŭ butelku z-pad piva z adbitkam palca. Adnak supadzieńniaŭ u bazie nie było.
Užo ŭ 2024 hodzie padčas pryzyŭnoj kampanii 21-hadovy miascovy žychar zdaŭ u vajenkamacie adbitki palcaŭ. Nieŭzabavie jaho zatrymali: akazałasia, jaho adbitak supaŭ sa znojdzienym na butelcy try hady tamu.
Siłaviki śćviardžajuć, što chłopiec pryznaŭ svaju vinu ŭ tym, što skraŭ dziaržaŭny ściah. Jamu pahražaje ad štrafu da troch hadoŭ turmy.
Siłaviki zładzili abłavu ŭ Hłybokim
Zatrymali muža i žonku za ŭdzieł u pratestach 2020-ha
Palitźniavolenuju Aksanu Lapko asudzili na try hady kałonii