Minčuka zatrymali za kamientary pra terakt u «Krokusie». I ciapier sudziać pa troch kryminalnych artykułach
Ramanu Jakimianku pahražaje da šaści hadoŭ kałonii.
25.09.2024 / 08:00
Raman Jakimianok. Fota ź jahonaj staronki Ukantakcie
Ramanu Jakimianku 44 hady. Jon pracavaŭ kiroŭcam u roznych firmach.
Pra jaho zatrymańnie stała viadoma 27 sakavika 2024 hoda hoda. Na videa mužčynu zmusili kazać, što jon pakidaŭ niehatyŭnyja kamientary pra terakt u «Krokus sici choł» i pisaŭ u bot Nexta.
Ramana pačnuć sudzić 22 kastryčnika 2024 hoda ŭ Minskim haradskim sudzie. Jaho abvinavačvajuć u «abrazie Łukašenki» (č. 1 art. 368 KK), «raspalvańni varožaści» (č. 1 art. 130 KK) i «sadziejničańni ekstremisckaj dziejnaści» (č. 1 art. 361-4 KK). Jamu pahražaje da šaści hadoŭ kałonii.
Sudzić Ramana budzie Viera Hałaŭkova. Jana pracuje pa palityčnych spravach z 2016 hoda. Naprykład, sudziła salidarnych z palitviaźniami i piensijanierku Natallu Piatrovič za kamientary.
Viera Hałaŭkova. Fota z Ukantakcie
Tłumačym, jakim čynam siłaviki znachodziać karystalnikaŭ Telegram i jak hetaha paźbiehnuć