Vajskovych piensijanieraŭ pazbaviać piensij, kali tyja źjeduć žyć u «niedružalubnyja» krainy
Takaja norma zakładziena ŭ zakonaprajekt, jaki adobryła vierchniaja pałata parłamienta.
25.09.2024 / 18:40
Ilustracyjny zdymak. Fota: Minabarony
Zakonaprajekt vyznačaje adzinyja ŭmovy i paradak piensijnaha zabieśpiačeńnia byłych vajskoŭcaŭ i siłavikoŭ.
Dakumient praduhledžvaje pradaŭžeńnie vypłaty piensij vajskovym piensijanieram dziaržaŭ, jakija zaklučyli ź Biełaruśsiu mižnarodnyja dahavory, a taksama členam ich siemjaŭ.
Akramia taho, zakonaprajekt vyznačaje, jak buduć vypłačvać piensii tym byłym siłavikam, jakija vyjechali žyć za miažu. U pryvatnaści, tyja vajskovyja piensijaniery, jakija źjeduć žyć u «niedružalubnyja krainy», pazbaviacca piensij, rastłumačyŭ člen Savieta Respubliki Valeryj Hajdukievič.
«Kankretyzujucca katehoryi, jakija buduć atrymlivać piensijnaje zabieśpiačeńnie na terytoryi Respubliki Biełaruś i pry vybyćci z našaj krainy. Praduhledžvajucca peŭnyja lhoty dla tych, chto pražyvaje na terytoryi Biełarusi, a chto jedzie ŭ niedružalubnyja krainy — pazbaŭlajecca ich.
Heta datyčycca tych ludziej, jakija ciapier prymajuć rašeńnie pakinuć Biełaruś. Jany pavinny razumieć, što piensijaj jany zabiaśpiečvacca nie buduć», — zajaviŭ Hajdukievič.
Zakonaprajekt byŭ uchvaleny vierchniaj pałataj parłamienta.