Трамп анансаваў сустрэчу з Зяленскім у «Вежы Трампа»
Кандыдат у прэзідэнты ЗША Дональд Трамп сустрэнецца з украінскім прэзідэнтам 27 верасня, пра гэта рэспубліканец заявіў журналістам, паведамляе barrons.com.
27.09.2024 / 07:20
Фота: Manuel Balce Ceneta / AP
«Я сустрэнуся з ім заўтра раніцай, прыкладна а 9:45 у Trump Tower», — сказаў Трамп. Гэта будзе а 16:45 паводле мінскага часу («Вежа Трампа» размешчаная ў Нью-Ёрку).
Рэспубліканец зрабіў гэтую аб'яву прыкладна ў той жа час, калі праходзіла сустрэча паміж Зяленскім і спаборніцай Трампа, віцэ-прэзідэнтам Камалай Харыс, у Белым доме.
У сваёй сацсетцы Truth Social Трамп апублікаваў допіс з паведамленнем ад Зяленскага з просьбай аб сустрэчы, адпраўленым праз намесніка пасла Украіны.
У Белым доме паабяцалі, што Расія не пераможа Украіну
Трамп: ЗША павінны выйсці з вайны ва Украіне