Пасля аварыі на вадаводзе ў Мінску пагоршала якасць вады
Як паведамляе Мінскводаканал, пасля аднаўлення водазабеспячэння аварыйныя брыгады прадпрыемства прамываюць асобныя ўчасткі сетак.
27.09.2024 / 08:52
Ілюстрацыйнае фота
Праблема будзе вырашаная, паведамляе Мінгарвыканкам.
Учора ўвечары знікла вада ў трох раёнах на поўдні сталіцы: Кастрычніцкім, Ленінскім і Заводскім. Як выявілася, адбылася аварыя вадавода ў вёсцы Клімавічы пад Мінскам. Над ліквідацыяй праблемы працуюць спецтэхніка і МНС.
У 23:30 Мінскводаканал паведаміў, што праблема была лакалізаваная, пачалі аднаўляць падачу вады.