Učora pajšoŭ u škołu i nie viarnuŭsia. U Viciebsku źnik 9-hadovy chłopčyk
U Viciebsku źnik 9-hadovy Mikita Hryckievič, paviedamlaje Viciebskaje abłasnoje UUS.
27.09.2024 / 10:32
26 vieraśnia chłopčyk nie viarnuŭsia dadomu sa škoły. Apošniaje miesca, u jakim bačyli Mikitu, — krama «Jeŭraopt», raźmieščanaja pa adrasie: praśpiekt Maskoŭski, 60 A, kala 18:30, adkul chłopčyk syšoŭ u nieviadomym kirunku. Da ciapierašniaha času miescaznachodžańnie Mikity Hryckieviča nie ŭstanoŭlena.
Prykmiety: rost 145 sm, chudarlavaha ciełaskładu, vałasy karotkija śvietłyja.
Byŭ apranuty: kurtka šeraha koleru biez kaptura z błakitnymi pałosami na rukavach, štany ciomnaha koleru, tufli ciomnaha koleru, pry sabie mieŭ školny zaplečnik.
Kali vam viadoma miescaznachodžańnie dziciaci, paviedamicie pra heta ŭ Kastryčnicki RAUS Viciebska pa telefonach:
- +375 29 511-22-07;
- +375 33 318-51-83
- albo na śpiec liniju 102.