Ryžankoŭ zajaviŭ, što Minsk adkaža na naŭmysnaje prymianieńnie Kijevam dronaŭ pa Biełarusi
Kiraŭnik MZS zajaŭlaje, što bieśpiłotniki zapuskaje Ukraina.
28.09.2024 / 11:30
Minsk daść «nieadkładny adkaz» u vypadku, kali vyjavić, što Kijeŭ naŭmysna ŭžyŭ svaje bieśpiłotnyja latalnyja aparaty pa biełaruskaj terytoryi, zajaviŭ kiraŭnik MZS Maksim Ryžankoŭ.
«Kali tolki budzie vidać, što jość niejkija mienavita naŭmysnyja dziejańni z punktu hledžańnia metavaha vykarystańnia bieśpiłotnikaŭ pa biełaruskaj terytoryi, adkaz, jak skazaŭ kiraŭnik našaj dziaržavy, budzie nieadkładnym», — zajaviŭ Ryžankoŭ.
Łukašenka 10 žniŭnia zajaŭlaŭ, što napiaredadni biełaruskija vajskoŭcy źbili bolš za dziesiać «nataŭskich» udarnych bieśpiłotnikaŭ, jakija lacieli z terytoryi Ukrainy, adnak nijakich paćvierdžańniaŭ hetamu nie było. Bolš za toje, radary rehularna fiksujuć pralot nad Biełaruśsiu rasijskich udarnych dronaŭ.