У Столінскім раёне гарэла царква
Учора ў 16:30 на лінію «101» прыйшло паведамленне пра пажар у царкве святой Марыі Магдаліны ў вёсцы Альгомель Столінскага раёна.
29.09.2024 / 12:36
Калі ратавальнікі прыехалі, у царкве было шчыльнае задымленне. Работнікі МНС вынеслі матэрыяльныя каштоўнасці і ліквідавалі пажар.
Агонь пашкодзіў іканастас, маёмасць, закураны сцены і столь. Пацярпелых няма. Прычына пажару высвятляецца.