Што з выездам з Беларусі раніцай у панядзелак?
Памежны камітэт прыводзіць такія звесткі па стане на 08:00 30 верасня.
30.09.2024 / 08:07
Ілюстрацыйнае фота: terespol / Telegram
На польскай мяжы на пераходзе «Брэст» стаіць 41 аўтобус і 200 легкавых аўтамабіляў.
На літоўскай мяжы на двух пераходах чэргаў з аўтобусаў і легкавікоў няма. На латвійскай мяжы таксама няма.
Але на ўсіх пераходах захоўваюцца вялікія чэргі з грузавікоў.
На польскай мяжы ў «Казловічах» стаіць 900 грузавікоў. На літоўскай мяжы ў «Каменным Логу» і «Беняконях» па 680.
На латвійскай мяжы ў «Грыгараўшчыне» — 450 велікагрузаў.