U Mahilovie sudziać mužčynu, jaki nibyta źbiraŭsia ŭstalavać schavanuju kamieru na vybarčym učastku
U sudzie Mahiloŭskaj vobłaści 30 vieraśnia raspačaŭsia praces nad raniej asudžanym za kamientaryi žycharom Kiraŭska Juryjem Avierkavym.
30.09.2024 / 14:56
Letam jaho sudzili za «abrazu pradstaŭnika ŭłady» (art. 369 KK), a ciapier mužčynu abvinavačvajuć u «navučańni ci inšaj padrychtoŭcy asob dla ŭdziełu ŭ masavych biesparadkach» (č. 3 art. 293 KK) i «raspalvańni inšaj sacyjalnaj varožaści» (č. 1 art. 130 KK).
Praces u zakrytym režymie viadzie Iryna Łančava.
U prapahandysckim siužecie śćviardžałasia, što ŭ śniežni 2023 hoda mužčyna «znoŭ zaznaŭ upłyŭ destruktyŭnych kanałaŭ, u jakich zaklikali iści na vybarčyja ŭčastki, zapomnić adnaho z čalcoŭ kamisii i prasačyć za im padčas viartańnia dadomu», piša «Viasna».