Iran moža raspačać rakietnuju ataku suprać Izraila ŭ najbližejšyja hadziny
U ZŠA jość padstavy mierkavać, što Iran hatovy ŭ najbližejšy čas nanieści ŭdar balistyčnymi rakietami pa Izraili, pišuć amierykanskija ŚMI sa spasyłkaj na vysokapastaŭlenaha čynoŭnika Biełaha doma. Miarkujecca, što zapusk rakiet moža adbycca ciaham 12 hadzin, z nadychodam ciemry.
01.10.2024 / 17:34
Fota: AP / Vahid Salemi
Kiraŭnik pres-słužby Armii abarony Izraila kontr-admirał Daniel Chahary paćvierdziŭ, što Vašynhton prainfarmavaŭ ich pra pahrozu. Adnak na hety momant ničoha pakul zapuščana nie było, udakładniŭ jon.
Pasolstva ZŠA ŭ Izraili ŭžo zahadała svaim supracoŭnikam viarnucca dadomu i być hatovymi schavacca ŭ bambaschoviščach. Pry hetym Złučanyja Štaty «aktyŭna padtrymlivajuć» «abarončuju padrychtoŭku» Izraila, zajaviŭ pradstaŭnik Biełaha doma.
Raniej ZŠA abiacali ŭ vypadku naniasieńnia Iranam udaru dać na heta adkaz. «Pramy vajenny napada Irana na Izrail budzie mieć surjoznyja nastupstvy dla Irana», — zajavili ŭ Biełym domie.
Izrail pačaŭ naziemnuju apieracyju na poŭdni Livana
U Iranie padraździaleńnie pa baraćbie ź Izrailem uznačalvaŭ ahient «Masada»
Novym kiraŭnikom «Chiezbały» staŭ stryječny brat Nasrały
Zabojstva Nasrały: detali apieracyi i reakcyja śvietu