«Chaj vymiatajucca». Viarchoŭny lidar Irana zajaviŭ, što Zachad nie pavinien umiešvacca ŭ spravy Blizkaha Uschodu
Ajatała Ali Chamieniei prakamientavaŭ śmierć lidara livanskaj hrupoŭki «Chiezbała» Chasana Nasrały i ahulnuju situacyju ŭ rehijonie.
02.10.2024 / 12:55
Fota: Office of the Iranian Supreme Leader via AP
Jon skazaŭ, što ŭ napružanaści na Blizkim Uschodzie vinavatyja «ZŠA i niekatoryja jeŭrapiejskija krainy, jakija robiać falšyvyja zajavy, što mohuć prynieści ŭ rehijon mir i spakoj», piša Bi-bi-si.
Chamieniei zajaviŭ, što krainy Zachadu «pavinny vymiatacca» ź Blizkaha Uschodu, kab krainy rehijonu mahli žyć u miry.
Jon dadaŭ, što apłakvaje śmierć Nasrały, adnak vyrašyŭ nie pieranosić sustreču ź iranskimi lidarami, bo žałoba dla Irana pavinna stać «adnaŭlalnaj i ruchajučaj siłaj».
Pa danych ahienctva Reuters, rakietny ŭdar Irana pa Izraili ŭ aŭtorak viečaram byŭ naniesieny pa zahadzie Chamieniei, jaki prymaje ŭsie klučavyja rašeńni ŭ krainie.
Padčas iranskaj rakietnaj ataki pa Izraili zahinuŭ adzin paleściniec i paciarpieli dvoje izrailcian