Prapahandyst raskazaŭ, jak psichična chvory hod tamu źbiraŭsia ŭzarvać ledź nie ceły Minsk
Prapahandyst Ihar Tur u efiry telekanała ANT raskazaŭ historyju, jak u Minsku nibyta byli praduchilenyja terakty, jakija płanavaŭ u listapadzie-śniežni minułaha hoda psichična chvory adzinočka.
02.10.2024 / 21:25
Skrynšot ź videa
Jak śćviardžajecca, mahčymymi miescami vybuchaŭ pavinny byli stać Śviata-Duchaŭ kafiedralny sabor, BNTU, čyhunačny vakzał i handlovyja centry «Dana Moł» i «Halereja». Taksama razhladalisia inšyja varyjanty, u tym liku handlovyja centry Palazzo, «Zamak», «Arena Sici» i pierachod ad stancyi mietro «Kupałaŭskaja» da «Kastryčnickaj».
Vykanaŭca śpiarša nibyta płanavaŭ učynić rasstreły i vybuchi ŭ škołach i dziciačych sadkach, adnak paźniej pašyryŭ maštaby da miescaŭ masavaha zboru hramadzian. Usie svaje namiery jon nibyta sam staranna natavaŭ
Dziela vykanańnia teraktu psichična niestabilny chłopiec, maŭlaŭ, samastojna vyrabiŭ pa instrukcyjach ź internetu vybuchovaje prystasavańnie, jakoje było faktyčna hatovaje da vykarystańnia.
Skrynšot ź videa
Praŭdzivaja heta historyja ci nie, ale prapahandyst pry joj taksama zhadaŭ pra apazicyju režymu za miažoj i inšyja varožyja siły, jakija, maŭlaŭ, z radaściu prymazalisia b da takoha teraktu, kali b psichična chvoramu chłopcu ŭdałosia jaho ździejśnić. Toj nibyta ciapier znachodzicca ŭ psichijatryčnaj balnicy.
U Mahilovie sudziać mužčynu, jaki nibyta źbiraŭsia ŭstalavać schavanuju kamieru na vybarčym učastku