U staličnaj škole zafarbavali razmaloŭki na nacyjanalnuju tematyku. Nie stała Kupały, Skaryny i Husoŭskaha
Zamiest ich u siaredniaj škoły №173 Minska ciapier prosta žoŭtyja ścieny.
03.10.2024 / 14:57
Razmaloŭki ŭ škole №173 h. Minska. Fota: telehram-kanał «Spadčyna»
Pra heta paviedamlaje telehram-kanał «Spadčyna».
Škoła ŭ Zavodskim rajonie była ŭźviedziena ŭ 1987 hodzie. Tady ž unutry była stvorana sieryja śmiełych dla taho času razmalovak, jakija adlustroŭvali siužety na temy nacyjanalnaj kultury i historyi.
Razmaloŭki z vyjavami Skaryny i siužetu z paemy «Kurhan» Janki Kupały. Fota: telehram-kanał «Spadčyna»
Na fotazdymkach možna pabačyć siužety z paemy «Kurhan» Janki Kupały i «Pieśni pra zubra» Mikoły Husoŭskaha, partretnyja vyjavy samoha Husoŭskaha, pieršadrukara Francyska Skaryny i inšyja.
Usie jany byli zamalavanyja ŭ śniežni 2023 hoda, kali ŭ škole pačali pazapłanavy ramont, pryčym u siaredzinie navučalnaha hoda. Heta adbyłosia niahledziačy na toje, što letam taho ž hoda ŭžo pravodziŭsia płanavy ramont.
Razmaloŭki z vyjavami Mikoły Husoŭskaha i siužetu ź jahonaj paemy «Pieśnia pra zubra». Fota: telehram-kanał «Spadčyna»
Kolišnija navučency škoły spadziajucca, što razmaloŭki prosta zafarbavanyja i paśla ich možna budzie adnavić.
Francyska Skarynu na salihorskaj škole zamianili na bieły škłopakiet FOTA