Žycharka Pinščyny paskardziłasia, što były muž nie płacić alimienty na troch dziaciej. Akazałasia, dvoje ź ich nie jaho
Mužčyna čatyry hady finansava padtrymlivaŭ byłuju žonku i dziaciej, ale potym raptam zasumniavaŭsia.
03.10.2024 / 15:36
Ilustracyjnaje fota: Dziaržkamitet sudovych ekśpiertyz
Žycharka Pinskaha rajona paskardziłasia sudovym prystavam na byłoha muža, jaki raptam pierastaŭ płacić alimienty na troch dziaciej. Da hetaha čatyry miesiacy mužčyna spraŭna finansava padtrymlivaŭ siamju.
Na jaho zaviali kryminalnuju spravu za ŭchileńnie ad alimientaŭ. Na dopycie mužčyna patłumačyŭ, što pierastaŭ davać hrošy, bo zasumniavaŭsia, što dzieci jaho.
Dla ŭstanaŭleńnia baćkoŭstva pryznačyli hienietyčnuju ekśpiertyzu. Jana pakazała, što mužčyna źjaŭlajecca baćkam tolki dla adnaho dziciaci z troch.
Što ciapier budzie z kryminalnaj spravaj, nie paviedamlajecca.