Minčancy pahražaje prymusovaje psichijatryčnaje lačeńnie za dapamohu palitviaźniam
Natallu Manyła sudziać za salidarnaść z palitviaźniami. Miarkujučy pa raskładach sudoŭ, joj moža pahražać prymusovaje lačeńnie.
05.10.2024 / 23:34
Natalla Manyła. Fota z sacsietak
Natalli Manyła 53 hady. Zhodna sa źviestkami prajekta Digital intelligence team, jana minčanka.
Viadoma, što Natallu zatrymlivali pa palityčnaj administratyŭcy ŭ śniežni 2020 hoda.
Sud nad Natallaj Manyła pačynajecca 14 kastryčnika 2024 hoda. Admietna, što ŭ raskładzie sudoŭ jaje nazyvajuć «asobaj, jakaja ździejśniła hramadska niebiaśpiečnaje dziejańnie». U Kryminalna-pracesualnym kodeksie tłumačycca, što značyć hetaja farmuloŭka: paśla psichijatryčnaj ekśpiertyzy ekśpierty pryjšli da vysnovy, što Natalla «ździejśniła złačynstva ŭ stanie biesśviadomaści abo zachvareła paśla ździajśnieńnia złačynstva psichičnym razładam».
U takim vypadku joj mohuć pryznačyć prymusovaje lačeńnie ŭ jakaści miery pakarańnia. Kali ž sud pryznaje, što žančyna «zachvareła na psichičny razład» užo paśla ździajśnieńnia «złačynstva», to jaje mohuć znoŭku sudzić.
Sudzić Natallu budzie Alaksandr Rudenka. Jon adpraviŭ za kraty niekalki dziasiatkaŭ biełarusaŭ pa palityčnych spravach.
Ja achviaravaŭ u fondy. Jak zrazumieć, što ja ŭ niebiaśpiecy?