KDB zatrymaŭ žančynu, z doma jakoj było źniata videa padzieńnia šachieda ŭ Kalinkavičach
Pa žančynu prysłali bajcoŭ śpiecpadraździaleńnia SACHR.
04.10.2024 / 11:59
Videa zatrymańnia žycharki Kalinkavičaŭ źjaviłasia ŭ telehram-kanałach siłavikoŭ. Śćviardžajecca, što žančynu zatrymali za supracoŭnictva z «ekstremisckimi» resursami.
Žančynu abvinavačvajuć u tym, što jana nibyta pieradała videamateryjały administrataram «destruktyŭnych telehram-kanałaŭ», čym pasiejała paniku siarod nasielnictva. Za heta ŭ dačynieńni da žančyny nibyta zaviali kryminalnuju spravu.
Učora ŭ čatach Kalinkavičaŭ byŭ apublikavany zapis z kamiery nazirańnia. Na videa adlustravana padzieńnie rasijskaha ŭdarnaha bieśpiłotnika. Videa supravadžajecca narastajučym šumam ruchavika i hučnym hukam vybuchu. Hety huk pačuli žychary ŭsiaho rajcentra i susiednich viosak 3 kastryčnika ŭ 04:54.
Kali vy viedajecie bolš pra toje, što zdaryłasia ŭ Kalinkavičach, pišycie redaktaru «Našaj Nivy» ŭ telehram @nn_editor, na mejł nivanasha@proton.me abo lubomu z supracoŭnikaŭ «NN», jakoha viedajecie asabista.