Лукашэнка заявіў, што ў Беларусі трэба паставіць помнік карове
«Для мяне гэта святое», — кажа палітык.
04.10.2024 / 12:38
Фота: Пул першага
Аляксандр Лукашэнка падчас рабочай паездкі ў Брэсцкую вобласць заявіў, што карове трэба паставіць помнік у Беларусі, паведамляе БелТА.
— Карове трэба паставіць помнік. Дзякуючы карове партызаны выжывалі і дзеткі, — сказаў ён.
Лукашэнка дадаў, што ў краіне пасля вайны беларусы выжылі дзякуючы карове, удакладніўшы, што «і цяпер яна нас корміць».
«Карова — гэта святое. Для мяне гэта святое».
Лукашэнка сёння наведвае Пінскі раён і, у прыватнасці, прадпрыемства «Парахонскае», а таксама мясцовую школу.