Asudžanamu na 20 hadoŭ anarchistu dadali jašče dva hady
Asudžanamu na 20 hadoŭ kałonii anarchistu Siarhieju Ramanavu dadali jašče 2 hady pavodle artykuła ab złosnym niepadparadkavańni administracyi kałonii, paviedamlaje «Miedyjazona».
04.10.2024 / 13:56
Sud nad Ramanavym prajšoŭ u kancy vieraśnia. Heta druhi sud pa artykule ab złosnym niepadparadkavańni ŭ dačynieńni da Ramanava.
U sakaviku minułaha hoda sud Vaŭkavyskaha rajona da 20 hadoŭ źniavoleńnia dadaŭ jašče 11 miesiacaŭ pazbaŭleńnia voli, paśla čaho anarchista pieraviali ŭ PK №9 horada Horki.