Maładoj ajcišnicy Nastaśsi z kampanii Exadel pahražaje da 12 hadoŭ źniavoleńnia
Padobna, što dačapilisia da jaje kamientaroŭ u internecie.
07.10.2024 / 16:07
Nastaśsia Žylskaja. Fota ź jaje staronki Ukantakcie
Nastaśsi Žylskaj 33 hady. Rodam jana sa Žłobina.
Paśla škoły pierajechała ŭ Minsk i pastupiła ŭ Biełaruski nacyjanalny techničny ŭniviersitet.
Pracavała jana prahramistkaj u minskim ofisie kampanii Exadel. Heta vialikaja IT-kampanija rodam z ZŠA, u jakoj pracuje niekalki tysiač čałaviek.
Jaje zatrymali nie mienš za paŭhoda tamu. Miarkujučy pa abvinavačańniach, jana mahła pakidać kamientary ŭ telehramie — prynamsi, u inšych sacsietkach jana ničoha aktyŭna nie kamientavała.
Sud nad Nastaśsiaj pačniecca 31 kastryčnika ŭ Minskim haradskim sudzie. Jaje abvinavačvajuć pa troch artykułach — «paklop na Łukašenku» (č. 2 art. 367 KK), «zakliki da sankcyj» (č. 3 art. 361 KK) i «raspalvańnie varožaści» (č. 1 art. 130 KK). Dziaŭčynie pahražaje ad čatyroch da dvanaccaci hadoŭ kałonii.
Sudzić jaje budzie 36-hadovy Siarhiej Kacar. Jon vydaŭ biełarusam niekalki dziasiatkaŭ tysiač rubloŭ štrafaŭ i niekalki tysiač sutak aryštu pa administracyjnych spravach, a taksama bolš za sotniu hadoŭ źniavoleńnia pa kryminalnych.
Siarhiej Kacar z žonkaj. Fota ź jahonaj staronki Ukantakcie
Tłumačym, jakim čynam siłaviki znachodziać karystalnikaŭ Telegram i jak hetaha paźbiehnuć