Navukoŭcy Biełarusi i Rasii prydumali nou-chau pa ačyščeńni vady
Novaja technałohija elektrachimičnaj ačystki vady biez reahientaŭ ukaranionaja na bujnym miasakambinacie Biełarusi.
07.10.2024 / 09:19
Ilustracyjnaje fota
Śpiecyjalisty Pienzienskaha dziaržaŭnaha ŭniviersiteta sumiesna ź biełaruskimi kalehami prydumali biezreahientnuju technałohiju vodapadrychtoŭki i ačystki ściokavych vod, paviedamili «Sputniku» ŭ Minaduknavuki RF.
«Mietad hruntujecca na ŭžyvańni elektrachimičnych modulaŭ. Vynachodnictva dapamoža čyścić vadu bolš biaśpiečna, efiektyŭna i ekanamična», — adznačyli ŭ Ministerstvie.
Hetaja raspracoŭka ŭžo ŭkaraniona na ačyščalnych zbudavańniach haradskich vodakanałaŭ i bujnoha miasakambinata ŭ Biełarusi.
Prablema chimikataŭ
U Minaduknavuki źviarnuli ŭvahu, što ciapier adna z prablem — heta ŭtrymańnie ŭ ściokavych vodach adpracavanych masłaŭ, emulsij i zavisiaŭ i hetak dalej. Sučasnyja mietady, miarkujuć, jak praviła, vykarystańnie chimičnych reaktyvaŭ dla ačystki takoj vady.
«Reahientami čyścić vadu doraha i nie zaŭsiody biaśpiečna. Minus chimičnaj ačystki vady ŭ tym, što reahienty mohuć častkova zastavacca ŭ vadzie paśla apracoŭki», — padkreślili ŭ viedamstvie.
Navukovy kalektyŭ rasijskaha PDU i Biełaruskaha Paleskaha dziaržaŭnaha ŭniviersiteta, a taksama Biełaruskaha dziaržaŭnaha technałahičnaha ŭniviersiteta prapanavaŭ unikalnuju technałohiju, zdolnuju abyści hety i inšyja niedachopy.
Dla ačystki ŭžyvajecca śpiecyjalny elektrachimičny modul, jaki moža być mabilnym. Navukoŭcy prapanujuć stavić hetyja moduli na asienizacyjnyja mašyny.