U nastupnym hodzie źmianiać umovy pracy maršrutak
Źmieny praduhledžanyja pastanovaj Savieta Ministraŭ i Nacyjanalnaha banka ad 26 vieraśnia 2024 hoda №704/22, paviedamili ŭ Ministerstvie padatkaŭ i zboraŭ.
07.10.2024 / 10:32
Tak, z 1 listapada 2025 hoda ŭviaduć abaviazkovaje vykarystańnie płaciežnych terminałaŭ dla haradskich aŭtamabilnych pieravozak pasažyraŭ u maršrutnych taksi, paviedamlaje BiełTA.
Dakumient taksama ŭklučaje šerah inšych źmien. Tak, z 1 kastryčnika 2024 hoda indyvidualnym pradprymalnikam budzie zabaroniena zajmacca vytvorčaściu (raspracoŭkaj) abo pastaŭkaj na terytoryju Biełarusi kasavych padsumoŭvajučych aparataŭ, uklučajučy pryłady, sumieščanyja z taksomietrami i biletadrukavalnymi mašynami.
Z 1 lipienia 2025 hoda spraščajucca patrabavańni da viadzieńnia dyfierencyjavanaha ŭliku tavaraŭ dla subjektaŭ haspadarańnia, jakija pradajuć tavary, markiroŭka jakich uviedzienaja tolki na terytoryi Biełarusi.
Pastanova taksama dazvalaje vykarystoŭvać handlovyja aŭtamaty dla prodažu tavaraŭ, vykanańnia rabot i akazańnia pasłuh biez ustalavanaha kasavaha abstalavańnia da 1 lipienia 2026 hoda.