Krychu źmienicca paroh sumy padarunkaŭ, ź jakich nie treba płacić padatak
Z 1 studzienia ŭ Biełarusi źmienicca suma dachodaŭ, atrymanych fizasobaj u jakaści padarunka, jakija nie abkładajucca padachodnym padatkam. Takija papraŭki prapanujecca ŭnieści ŭ Padatkovy kodeks
07.10.2024 / 12:08
U 2024-m padatkam nie abkładajucca padarunki ahulnaj sumaj u 10 431 rubiel. Z 1 studzienia nastupnaha hoda płanujecca padniać hetuju płanku da 11 516 rubloŭ.
Havorka idzie ab dachodach fizasob, atrymanych nie ad pradprymalnickaj dziejnaści. Adnak kali za hod takija dachody-padarunki pieravysiać 11 516 rubloŭ, pryjdziecca zapłacić padatak u pamiery 13% z sumy pieravyšeńnia.
Kali hrošy byli padoranyja ŭ valucie, ich pieraličać na biełaruskija rubli pa kursie Nacbanka.
Akramia hetaha, z 3151 da 3479 rubloŭ vyraście suma, atrymanaja ŭ vyhladzie materyjalnaj dapamohi, padarunkaŭ i pryzoŭ ad arhanizacyj abo IP, jakija źjaŭlajucca miescam asnoŭnaj pracy. Jana taksama vyzvalajecca ad vypłaty padachodnaha padatku.