Piaciora rasijan zahinuli pry ŭzychodžańni na haru-ludažerku ŭ Himałajach
Jany išli ŭ adnoj źviazcy — adzin ź ich sarvaŭsia na vyšyni 8167 mietraŭ i paciahnuŭ astatnich za saboj.
08.10.2024 / 09:57
Piać rasijan zahinuli pry ŭzychodžańni na haru-ludažerku ŭ Himałajach. Jany išli ŭ adnoj źviazcy — adzin ź ich sarvaŭsia na vyšyni 8167 mietraŭ i paciahnuŭ astatnich za saboj, piša Mash.
Pieršyja čatyry čałavieki z hrupy pastavili łahier, kali padnialisia na 7.420 mietraŭ. Unačy padyšli jašče dvoje.
6 kastryčnika Alaksandr Dušejka, Aleh Kruhłoŭ, Uładzimir Čyścik, Michaił Nasienka, Dźmitryj Špilavy, Valeryj Šamała pradoŭžyli šlach. Nieŭzabavie apošniamu stała błaha, jon adviazaŭsia i viarnuŭsia nazad u łahier. Astatnija išli na viaršyniu Dchaŭłahiry dalej.
Praź niekatory čas suviaź ź imi źnikła. Siońnia ranicaj ratavalniki ablacieli haru na viertalocie i znajšli adzinaha vyžyłaha. Astatnija sarvalisia ŭ prorvu.