У Мінску ўрачыста адзначаць 35-годдзе біскупскага служэння арцыбіскупа Кандрусевіча
Урачыстасць пройдзе ў мінскай катэдры.
08.10.2024 / 10:18
19 кастрычніка арцыбіскуп-эмерыт Тадэвуш Кандрусевіч адзначыць 35-ю гадавіну з часу яго біскупскага пасвячэння, піша catholic.by.
Першага ў сучаснай гісторыі Касцёла ў Беларусі каталіцкага іерарха рукапалажыў 20 кастрычніка 1989 года тагачасны Папа святы Ян Павел II.
З гэтай нагоды арцыбіскуп Кандрусевіч узначаліць у катэдральным касцёле Найсвяцейшага Імя Марыі цэлебрацыю святой Імшы падзякі Богу за дар 35 гадоў біскупскага служэння.
Пачатак у 15.00.
Арцыбіскуп Тадэвуш Кандрусевіч запрашае ўсіх ахвотных да супольнай малітвы ў гэты дзень.