Dziaŭčyna źbirałasia kupić kvateru, ale jaje małady čałaviek prajhraŭ usie hrošy ŭ kazino
26-hadovy žychar Maładziečna, sustrakaŭsia ź minčankaj i čas ad času pražyvaŭ u jaje doma. Baćki pieradali dziaŭčynie 45 000 dalaraŭ na kuplu kvatery, paviedamlaje pablik «Pro Mołodiečno».
08.10.2024 / 11:54
Ab namierach siabroŭki abzavieścisia nieruchomaściu viedaŭ i kachany. Adnojčy jon znajšoŭ u kamodzie valutu i staŭ marnavać jaje na staŭki ŭ kazino, prajhraŭšy ŭsio. U hetym złamyśnik pryznaŭsia siabroŭcy.
Baćka dziaŭčyny źviarnuŭsia z zajavaj u milicyju. U dačynieńni da hora-kavalera raspačali kryminalnuju spravu. Vinu jon całkam pryznaŭ, u zroblenym raskajaŭsia. Pryčynienuju paciarpiełaj škodu kampiensavali jaho baćki.
— Abvinavačany pracuje miechanikam na pryvatnym pradpryjemstvie, raniej da kryminalnaj adkaznaści nie pryciahvaŭsia, — prakamientavała pamočnik prakurora Ada Akułava.
Sud daŭ čatyry hady kałonii sa štrafam 200 bazavych vieličyń (8000 rubloŭ). Adnak sud adterminavaŭ vykanańnie asnoŭnaha pakarańnia na try hady, abaviazaŭšy nie mianiać miesca žycharstva biez zhody orhana, jaki ažyćciaŭlaje kantrol, a taksama ŭ volny čas vykanać hramadska-karysnyja pracy ŭ abjomie 120 hadzin.